Þjónusta
Finnum rétta fólkið
Sólstöður búa yfir góðum tengslum við hjúkrunarfræðinga sem vilja koma til starfa á Íslandi. Við sjáum um allt ráðningarferlið, svo sem búferlaflutninga, leyfisveitingar og búsetuúrræði, sem og aðlögun á Íslandi.
Af hverju Sólstöður?
Sólstöður hafa reynslu af því að finna rétta starfskraftinn erlendis frá og tekur ferlið frá upphafi til enda um 2-3 mánuði. Á árinu 2025 mun þurfa um 350 menntaða hjúkrunarfræðinga til að viðhalda núverandi þjónustustigi. Vel menntað og reynsluríkt starfsfólk hefur áhuga á að flytja til Íslands til að starfa hér.
Þjónusta Sólstaða
Við metum ferilskrár, reynslu, menntun og umsagnir hjúkrunar-fræðinga sem vilja koma til landsins og finnum viðeigandi starf. Sólstöður skapa vettvang fyrir hjúkrunarfræðinginn til að segja frá sér og við segjum frá kostum þess að vinna á Íslandi sem hjúkrunarfræðingur. Allt ráðningarferlið ásamt ráðningarsamningum og leyfisveitingum er í okkar höndum. Okkur er annt um að finna rétta fólkið í réttu störfin hratt og örugglega.
Ferlið
Þú segir okkur hvað þú þarft og hverju þú ert að leita að. Við sjáum um að finna réttu manneskjuna.
Skref 1
Rétta manneskjan
Við metum ferilskrár, reynslu og menntun og finnum rétta hjúkrunarfræðinginn fyrir þig.
Skref 2
Ráðning
Þú býður hjúkrunarfræðingnum starf og við komum á skriflegum ráðningarsamningi ykkar á milli.
Skref 3
Leyfisveitingar
Við sjáum um að afla allra leyfa sem þarf til að manneskjan geti starfað á Íslandi sem hjúkrunarfræðingur.
Skref 4
Búseta og aðlögun
Við aðstoðum hjúkrunarfræðinginn við að finna húsnæði við hæfi og hjálpum viðkomandi að aðlagast íslensku samfélagi.
Námskeið í inngildingu
Sólstöður bjóða upp á námskeið í inngildingu fyrir allt erlent starfsfólk þar sem farið er yfir hvað gott er að vita varðandi dvöl á Íslandi.
Hvað er inngilding?
Inngilding er skipulagt ferli sem aðstoðar fólk af erlendum uppruna að skilja sitt nýja samfélag. Inngilding er fræðsla, leiðsögn og stuðningur sem hjálpar einstaklingnum að skilja kerfi stofnanna og fyrirtækja, venjur, tungumál og óskrifaðar reglur sem móta daglegt líf.
Þekking og reynsla Sólstaða
Þekking Sólstaða á inngildingu byggir á raunverulegri reynslu á aðstoð við erlenda starfsmenn sem flytja til Íslands og hefja störf. Í gegnum þá vinnu höfum við kynnst þeim hindrunum sem fólk mætir í samskiptum við stofnanir og í daglegu lífi. Við vitum hvaða upplýsingar skipta raunverulegu máli á hverjum tímapunkti.
Hvað við gerum
Sólstöður bjóða upp á hagnýta fræðslu um skatta og fjármál, hvernig atvinnumarkaðurinn virkar og hvaða skyldur og réttindi fólk hefur. Við fjöllum einnig um íslenskt samfélag og menningu, samskipti á vinnustað og óskrifaðar reglur sem hafa áhrif á daglegt líf. Inngildingin tekur jafnframt til húsnæðismála, leigumarkaðarins og samskipta við helstu stofnanir.
Áherslur okkar varðandi inngildingu
Skattar og fjármál: að einstaklingur skilji hvernig laun, skattar og réttindi virka í raun og viti hvað hann á að gera og hvenær. Íslenskt samfélag og menning: að skilja samskipti, væntingar og óskrifaðar reglur sem móta daglegt líf og vinnumenningu. Húsnæði og leigumarkaður: að geta nálgast leigumarkaðinn á upplýstan hátt og forðast algeng vandamál. Stofnanir og kerfi: að vita hvaða stofnanir skipta máli og hvernig á að eiga samskipti við þær. Setja allt í samband: að skilja röðina á hvað gerist fyrst og hvernig allt tengist.
Er áhugi til staðar eða viltu vita meira?
Hafðu samband við okkur og við sjáum um að finna réttu manneskjuna, eða segjum þér allt sem þú vilt vita.